أعواد ثقــــــاب

حديث صغير دار بيني وبين صديقي حسام عقب انتخابات الرئاسة  الأمريكية بتاريخ  5/11/2008:

حسام: بالفعل رجعت اميركا بفوزه شي من مركزها بقلوب الناس، وحق الله يلي بيخطط للسياسة الاميركية بيفهم لان بالفعل الناس كلها اليوم قالت انو اميركا بلد الديمقراطية

العالم كله عاقد الامل عليه.

يس وي كان هادا شعاره مو

سياب: اي

حسام: نحن شعارنا وي كانت

سياب: حتى مبارح سمعت غنية واحد امريكي الفها وغناها عنوانها يس وي كان والأحلى دخل صوت باراك اوباما لما يقول يس وي كان

حسام: بيكفي بيكفي تحكيلي، احكيلي عن غنية موفق حبيب: شيخ الفرسان يلي حرر الارض و طرد العدوان . .  يلي رفع جبين العربان

سياب: ما سمعتها، ضميري الوطني أنبني بهاللحظة

حسام : و لا انا سمعتها، بس تتخيل غير هيك انت رح تكون كلماتها ؟؟

سياب: لا طبعا

حسام: يا زلمي بحياة ربك انسى كل شي و خليك حيادي، خلينا نكون حياديين . . بزمتك، بايمانك، بضميرك الحي وبوطنيتك الصاحية متل شعلة . . ليه نحنا سعر المازوت نزل بالعالم كله الا عندنا، شو هالخصوصية السورية تبعيتنا و الثبات و الصمود ؟!

سياب: هاي الطبيعة القومية الثورية اليسارية للمجتمع السوري

حسام: ولك كل يوم بلبنان بيرخص عندهن المازوت و زيت الكاز و البنزين، اليوم بتلفزيون الجديد  اللبناني حكوا انه  نزلت كل اسعار الوقود بسبب انخفاض الاسعار العالمية

ليه نحنا ما بينخفض عنا الا روسنا؟

سياب: بدك تسأل الدردري

 المزيد …

كان  المفروض أكتب عن فلم الأخ القائد معمر القذافي، لكني فقدت الرغبة في ذلك فضلا أنه أصبح فلما مكرورا حفظه الجميع رغم استمرار المتعة النابعة من شخصيته الكاريكاتيرية.

فبعد الألقاب الكثيرة التي ذيل اسمه فيها أصبح هناك سؤال جديد يصلح لمسابقة من يربح المليون، أيهما أطول اسم ليبيا ام اسم زعيمها؟

والصراحة أجمل لقب للأخ قائد ثورة الفاتح وملك ملوك إفريقيا – في الغُمة القادمة سيزاحم السيد المسيح على لقب ملك الملوك – حصل عليه من المقبور أنور السعدان/السادات، فقد كان لا يخاطبه إلا بمجنون ليبيا . . وشوفوا مجنون ليبيا عاوز ايه.

مجنون ليبيا رأي أن كل القادة الكبار مفكرين أيضا ولهم مؤلفات ونظريات . . هتلر، لينين، ستالين، ماوتسي تونغ ألف الكتاب الاحمر فضرب العرق براسه وأنفق الملايين على تأليف الكتاب الاخضر . . هو أيضا مفكر.

أحد الأصدقاء المميزين “سنفور مفكر” كتب عن نظرية الكوانتم بإسلوب سلس وشيق وابتدأ حديثه بتحذيرنا من كم الغرابة التي سنصادفها في النظرية، فالإلكترون يتصرف كجسيم وموجة بنفس الوقت!

نسي صديقي ان الشعب العربي يعيش في أرض العجائب منذ دهر ونيف وقد الفوا الغرابات والكربات كلها . .  الحاكم هنا رئيس وملك . . ثائر وخائن . . مقاوم وحرامي . . ممانع ومنبطح . . اشتراكي وبرجوازي . . وطني وعميل . . ابن الشعب وأبوه . . يقول لينين “لا اشتراكية بدون اشتراكيين” فكيف يكون المقاوم لصاً !!

ببساطة: نحن في أرض العجائب

أسعار النفط انخفضت بما يقارب المئة دولار وحكومتنا العتيدة خفضت أسعار المازوت فقط 20% وأجور السرافيس نصف ليرة!!

شيء عجيب لكنه مفهوم على ضوء شمعة حكمة الحكومة، هبوط السلم درجة درجة أسلم لمرضى القلب . . أما الصعود فيكون قفزات عملاقة لحرق المراحل واللحاق بركب الدول الاكثر غلاءً.

مرحى لك سيد الدردري . . خلص الشتاء والخازوق أكله المواطن ومشي الحال ولا بأس من إضافة منجز جديد الى منجزات الحركة التصحيحية – فصل التطوير والتحديث.

لكن عندي سؤال، هل البنزين من مخلفات الإمبريالية والصهيونية حتى لا يطاله التخفيض؟!!

السؤال الآخر، هل تخفيض أجور السرافيس نصف ليرة يصب في دعم وإحياء فراطة الليرة من باب الحرص على التراث في زمن أصبحت فيه الالف ليرة فراطة، ام هو فقط لزيادة التواصل الإنساني بين الركّيبة والسائق وتدريب الشعب على المطالبة بحقه حتى لو كان نصف ليرة، إضافة إلى تطوير قدرته على النقاش والحوار الديموقراطي في أي تجمع حتى لو كان سرفيس؟

لا أدري ولكن التساؤلات بحد ذاتها تعكس الحكمة العميقة والرؤية السديدة التي تتمتع بها الحكومة ورئيس فريقها الإقتصادي الكابتن عبد الله الدردري.

 المزيد …

إنخفاض أسعار النفط في العالم يعني تراجع مصدر مهم للإيرادات بالنسبة لسورية.

وعن التأثيرات المباشرة للازمة العالمية على الاقتصاد السوري قال وزير المالية د.محمد الحسين في وقت سابق إن "أول هذه النتائج هو انخفاض أسعار النفط في العالم ما يعني تراجع مصدر مهم للإيرادات بالنسبة لسورية, إضافة إلى غيرها من النتائج المباشرة وغير المباشرة", مشيرا إلى أنه "بسبب عدم ارتباط اقتصادنا بشكل مباشر مع مراكز الزلزال المالي كانت النتائج أقل ضرراً".

الكلام السابق نقلا عن سيريانيوز . . كلام جميل جدا ولكن احترنا مع الحكومة وحيرنا السيد الوزير محمد الحسين ومن قبله السيد الدردري، يعني طلعت أسعار النفط انبسطنا وقلنا عظيم رح يجينا دخل إضافي يتنش نش فيه المواطن لكن الفرحة ما كملت وجائتنا التصريحات المتوالية أن انتاج سورية من النفط لا يكفي سيارات المسؤولين الكثيرة وهو بتراجع مستمر ونحن دولة مستوردة للمشتقات النفطية.

يعني على هالحالة طلعنا من الدول المتضررة وارتفعت الأسعار اضعاف مضاعفة وغليت المشتقات النفطية والمواطن دفع الضريبة من “تم ساكت”.  

 المزيد …

ملاحظة من حسام: يلي بينخدش حيائه . . يلي بيرتعب، في ألفاظ يا عيب الشوم ممكن تدايئه . . بس هي ضرورية لتكتمل الصورة واذا ما اكتملت الصورة راسلونا لنوضحها الكن . . خدمة ما بعد البيع.

hussam: اي شو اخر الاخبار و القضايا

سياب: والله ما في شي بس كنت عم فكر

hussam: اي

سياب: انه شالو الدعم عن المازوت والبنزين والمواد الغذائية طيب هاي كانت تكلف بلاوي زرقا

hussam: اي

سياب: هلأ هالفلوس الزيادة اللي كانو يصرفوها ع الدعم شو مصيرها ؟

hussam: سؤال وجيه، بس لاء صار عباس بدباس، يعني بطلوا يدعموا لأن صارت الأسعار موحدة. بس مو هيك السؤال، السؤال يلي بيطرح نفسه بنفسه انو هني كانوا يعملوا الدعم عن طريق زيادات و ضرائب تانية.

مثلا كانت مؤسسة الإتصالات تحط للخزينة فلوس وعندك ضرائب الرفاهية و الكهربا وكل الضرائب التانية اللي كان يتحملها المواطن. هالمصريات الزيادة كانت تدعم الدعم، طيب هلاء طار الدعم معناها لازم ترخص اسعار المكالمات الهاتفية و ما يصير ضريبة رفاهية ما بعرف زيادة الاسعار بالتلفوانات بالمواصلات !!

سياب: مو بس من الضرائب، الدعم كان يكلف خزينة الدولة ملايين الدولارات يوميا

hussam: و لك صح كان يكلفها بس شو هاي جايبة من جيبتها، جايبته من مصدر دعم تاني

سياب: بقى اخي نحن المفروض مقبلين على طفرة بالنمو لانه صار في مصاري كتير عند الدردري والحكومة

hussam: نحنا مقبلين ع طفرة بالنمو و مبارح رفيقي قلي ضليت بصف الخبز ساعة لاخدت ربطيتن خبز ؟؟

سياب: اي بعرف سحس

hussam: حكيني عربي

سياب: انه سياسة حكومتنا من دهنه سئيلو

hussam: اي هادا كان زماااااان من دهنو سئيلو،ايام الدعم هلأ بطل في دعم

سياب: بعرف لهيك عم قلك انه المفروض في طفرة بالنمو رح تصير

hussam: من وين بدهن يجبوا الدهن ؟؟ من الاستثمارات الخارجية صح

سياب: ولا شو رأيك انت معقول الشباب يتصرفو بالمصريات تبع الدعم ولا ما بيعملوها ؟

hussam: احساسي غير هيك اقتصاديا ما بعرف لك انا مو هيك شايف، شايف انو مابئى في مصاري دعم خلصوا نفضوا الشباب لهيك شالوا الدعم

سياب: كيف يعني

hussam: يعني هلأ مو كان من دهنو سئيلو

سياب: اي

hussam: الدعم انشال

سياب: حلو بس للآن عم يسحبو دهنو بس ما في سئيلو

hussam: معناها مابئى في مصاري فائضة تدعم الدعم

سياب: لا

hussam: لكن شو

سياب: مو هاد السبب

hussam: في بس بدهم يستخدموها بشي تاني؟

سياب: السبب يا معلم انه الحكومة عم تتكلف كتير ع الدعم

hussam: طيب بيكفي تقلي عم تتكلف قلي انو مابئى في مصاري تدعم فيه

سياب: لك يا اخي روق وهدي

hussam: طيب

سياب: الحكومة معلم كانت مواردها جاية بتعرف انت من وين

hussam: من زيادة الاسعار من الضرائب استثمارات خارجية

سياب: النفط والزراعة والسياحة والصناعة (العلكة والشيبس) وجيبة المواطن مع شوية تصدير لمنتجات خفيفة.

hussam: طيب

سياب: النفط سلامتك نشف، ورغم الطفرة العالمية بأسعار النفط لكننا لم نشعر بأثرها أبدا كما لو كنا نستورد نفط مو ننتج!!

الزراعة سلامتك مطر ما عاد فيه على اعتبار انه الحكومة معتمدة على رب العالمين بهالقصة.

hussam: اي ولك الزراعة اكلت هوا عنا

سياب: شو عم قلك، بقي عندك مصدرين وصار في مصدر جديد. جيبة المواطن وشي تاني مش رح قولو مفتوحين على طول ما بيتسكرو

hussam: اكيد ههههههههههههههههه

سياب: والصناعة والسياحة شغالين ايد ورجل بس شغالين وهلأ صارت الإستثمارات الخارجية

hussam: مافي هالحكي كله هادا شي مقنع الحقيقة مو هيك كله متل خدعة بصرية

 المزيد …

قوانين الفيزياء لا تحكم الإنسان بالضرورة . . والضغط لن يولد الإنفجار مهما اشتدت درجاته، فالشعب العربي والسوري خصوصا نايم في العسل.

يوما إثر يوم يثبت بشكل مدهش انه لا يملك إلا جملة عصبية إعاشية تساعده على تصريف ما يأكله من صنوف الهيماغلوبوفوليا*!!

سيبقى هذه الشعب ومصالحه خيارا أول تتم على حسابه/ها كل التسويات والتكيفات مع المتغيرات . . اقتصادية . . سياسية . . أمنية . . . تشريعية . . عولمية . . الخ . . الخ ومهما نهشت منه الضواري فلن يستشعر الألم!

الجملة والنهايات العصبية للـ كرامة . . إهانة . . ألم . . انتفاضة . . خلصونا . . اختنقنا . . بيكفي . . نريد خبزا وسكنا . . الراتب تقسيم 30 = عدم تعيين . . لا . . لا . . لا . . ليست موجودة.

البنزين إرتفع والخبز إرتفع والمازوت إرتفع وكل شيء إرتفع ولم يطلق أحد سوى صرخة مكتومة تتلاشي قبل الوصول الى الحنجرة . . ولو تم مضاعفة سعر اللقمة الى سعر الماس والذهب لما نطق أحد سوى موقفنا مشرف ومبدأي كما لو ان المواقف المبدأية رح تعيشنا عيشة هنية . . وأنا سوري اه يا نيالي!

مهما يكن ومهما حصل سنبقى ملتحفي القناعة وشو ما شفت قول منيح . . . ولالي لالي.

 المزيد …