نبيها فزعة . . أعواد ثقاب إلى المرحلة التالية في مسابقة البوبز
بواسطة 3bdulsalam في مارس.16, 2010, تحت تصنيف أخبار وفعاليات
حسنا . . بداية لم أتوقع انتقالي إلى المرحلة التالية في مسابقة البوبز العالمية، لكن حدث واختارت لجنة التحكيم مدونتي ضمن فئة أفضل مدونة عربية، الخبر أسعدني بالطبع والذي يسعدني أكثر وأكثر دعمكم لي في المسابقة، كما دعمتموني في مسابقة المدون السنوية . . لذلك أصدقائي الأعزاء أعلن عن إنطلاق حملة نبيها فزعة بنسختها العالمية – تماشيا مع طبيعة المسابقة القائمة – بشكل رسمي 
بإمكانكم التصويت لمدونة أعواد ثقاب من خلال الخطوات التالية:
1- في حالة اللغة العربية:
أ- إضغط/ي هنا.
ب- بعدها انزل/ي للأسفل حتى تصادف عنوان : أفضل مدونة عربية. مقابله ستجد/ي أسماء المدونات المترشحة، إضغط/ي على أعواد ثقاب، ستظهر صورة المدونة على القسم الأيمن .
ج- بعد أن ظهرت صورة أعواد ثقاب، اضغط/ي على زر صوت لهذه المدونة.
د- إنزل لأسفل الصفحة وإملأ/ي الحقول بالبينات الموافقة ( الإسم والبريد الإلكتروني والرمز الموجود في الصورة) أهم شيء اختيار خيار “ لقد قمت بقراءة المكتوب بخط صغير ” لكي تتم عملية التصويت بشكل صحيح.
هـ- بعدها الضغط على زر إرسال، في حال كان التصويت صحيحا ستظهر عبارة “ شكرا جزيلا. لقد تم احتساب صوتك، ويمكن هنا رؤية نتائج التصويت الحديثة ”. في حال لم تظهر فهذا يعني أنك لم تدخل الرمز بشكل صحيح أو لم تختار/ي خيار “ لقد قمت بقراءة المكتوب بخط صغير ”.
2- في حالة اللغة الإنكليزية:
A- إضغط هنا.
B- بعدها إنزل حتى تصل/ي إلى عنوان Best Weblog Arabic، على اليسار أسماء المدونات الموجودة، نختار Awad Thekab، ستظهر صورة المدونة على القسم الأيمن.
C- بعد أن ظهرت صورة المدونة, نضغط Vote for this blog.
D- ننزل لأسفل الصفحة ونملأ الحقول بالبيانات المطلوبة، ونختار خيار “ I’ve read the fine print” لكي تتم عملية التصويت بشكل صحيح.
E- بعد ذلك نضغط Send، في حال كان التصويت صحيح ستظهر العبارة التالية: Your vote has been counted. Have a look at the current voting results. وإذا لم تظهر فهذا يعني انك لم تدخل الرمز بشكل صحيح أو لم تختار/ي خيار “ I’ve read the fine print”.
طبعا ما في داعي أخبركم أن التصويت لمدونة أعواد ثقاب له فوائد أكثر من الشاي الأخضر وأكثر حتى من عسل الزلوع
مع الشكر الجزيل مقدما لكل من سيصوت . . تحياتي.
*****
تحديث:
شكرا للصديق عامر إبراهيم على لفتته الجميلة في تصميم اللوغو الظاهر في الأعلى، والشكر موصول لكل الذين صوتوا وكل الذين كتبوا تعليقات أسعدتني فعلا على صفحة المدونة في المسابقة.
مارس 16th, 2010 on 5:40 م
يا رجل ما عم افهم قصة التعقيد بعملية التصويت بمسابقات المدونات، يعني الواحد لحتى يصوت لمدونة لازم يدوخ ستين دوخة.
على كل مبروك وأحسنت ثابر يا سنفور.
مارس 16th, 2010 on 6:08 م
معك حق . . انا دخت أول مرة بيني وبينك خطرتلي فكرة تدوينة بعد تعليقك فكرتها عن المقارنة بين التصويت لمجلس الشعب أو الرئاسة وبين التصويت للمدونات، ليش بالأولانيات العملية سهلة وسلسة وبالتانية معقدة وملبكة
بس متى ما عرفت مكان فئة أفضل مدونة عربية تصير الامور سلسة وعادية .
شكرا ع الدعم أنوس . . تحياتي.
مارس 16th, 2010 on 6:05 م
مبروك الترشيح وعقبال الفوز..
وعلى العكس خطوات التصويت سهلة وميسرة ولاتستلزم سوى تسجيل ايميلك
بالتوفيق مرة اخرى ..
مارس 16th, 2010 on 6:12 م
هلا إلهام . . شكرا لك
يسعدني انك شفتي عملية التصويت سلسة . . يمكن أنا شفتها ملبكة أول مرة بسبب طريقة ترتيب الفئات والمدونات. لكن الآن العملية واضحة . . ما تنسي تصوتيلي
أهلا ومرحبا
مارس 16th, 2010 on 7:32 م
أنا بعرف واحد ما صوّت قام صار ضفدع هيهي :d
بالتوفيق عبد السلام، عليهم !!
مارس 16th, 2010 on 9:24 م
,في واحد صوت ربح سيارة وأموره تيسرت ع الآخر
عليهم عليهم
مارس 16th, 2010 on 9:05 م
صار عبد السلام بيك
مع كل الأمنيات بتحقيق المرتبة الأولى … و إن شاء الله نتكب قريباً .. مبروك في تدوينة مخصصة للفرحة بالفوز …
مارس 16th, 2010 on 9:33 م
شكرا وليد ع التمنيات الطيبة، بدنا همتك وهمة جماعتنا بالرقة الشقيقة
وزع للي يصوت صندويشة سودة على حسابي
مارس 17th, 2010 on 5:59 ص
فزعة تو زا صاجة
بس ما عم يفتح الموقع عندي !
مارس 17th, 2010 on 5:36 م
رووووح و القلب داعيلك خيو
بس يا خيي الشعب من بطئ النت عندو كنو مآتان , بيقلك لبين ما تتحمل الصفحة بتكون قامت القيامة و روحي طلعت , شدو الهمة و لو يعني حرام ما تروح لمدونة سورية و الله
مارس 17th, 2010 on 6:12 م
مبروك عبووود
ان شاء الله المركز الاول
مارس 17th, 2010 on 8:40 م
غابي:
غريبة الموقع شغال عند الجميع !! ممكن تكون القصة قصة بروكسي، بانتظار دعمك.
سلوري:
بالنسبة للإنترنت السوري وبطئه، أعدك سلوري متى ما أخدت الجائزة رح أطالب الجهات المسؤولة والعالمية بتركيب محرك توربو بلكي يمشي حالو
شكرا صديقي.
ياسر:
الله يبارك فيك وشكرا يا أبو بسام، نشطلنا الجالية السورية في الإمارات الشقيقة
وبهالمناسبة يسعدني أن أعلن بأنني سأتبرع بنصف الجائزة – في حال ربحتها – لدعم المجهود الحربي والربع لدعم الجيش الشعبي والمتبقي سيوزع على هيئة قسائم على بقية جماهيرنا الكادحة.
مارس 17th, 2010 on 11:52 م
كم عبد عنا نحنا تكرم عيونك رح اعملك فزعة عندي بمنتدى شباب اكس لايف
مارس 18th, 2010 on 6:36 ص
أول شي ألف مبروك الترشح للمرحلة الثانية
وتاني شي نحنا كلنا معك وانا من جهتي شغلت كل الجهات وعلى جميع الأطراف لتصوتلك ولو كم أبو سومر عدنا
مارس 18th, 2010 on 8:23 م
إياد . . شكرا صديقي، أي أي عجبتني هاي شغلة الدعاية بالمنتدى
عصام . . الله يبارك فيك، بدنا همتك
شكرا للجميع.
مارس 19th, 2010 on 2:24 ص
أديه عم توزع مصاري ع الراس؟
وهل لحجم الراس علاقة بالصوت الناتج عنو؟
رح نصوّت وحولي المصاري ع حسابي ..ماشي؟
مبروك
مارس 19th, 2010 on 2:28 ص
صوتت..وين المصاري؟ عمى ضحكت علينا
مارس 19th, 2010 on 7:18 م
كنان . . لجنة توزيع الجائزة حاليا عم تدرس نسبة التوزيع وعم تحدد الأطراف التي تستحق الدعم، بقى بدك تصبر لحد ما المجلس يقر هالشغلة
الصوت متناسب طردا مع عدد الإميلات وعدد الإميلات متناسب عكسا مع حجم المخ وحجم المخ متناسب عكسا مع حجم الراس . . بس خلاص
وشكرا معلمنا . . كنت رح حولك المصاري على حسابك بس بتعرف بنوكنا العزيزة ما رح يخلوك تسحب الفلوس لبعد تلت ايام . . عجبك بالله !!
لهيك رح حولك ياهم بالويسترن مع انها شركة برجوازية إمبريالية
مارس 19th, 2010 on 8:51 م
وصلواالمصاري…شكرالالتزامكم
مارس 20th, 2010 on 7:03 م
أهلا بكم
مارس 21st, 2010 on 12:30 م
كم ابو سمره عندي
بس المهم شو رح تعطيني ان فزت
ههههههههه
بستنا الجواب ونا جاهز
مارس 22nd, 2010 on 9:02 م
تسلم أبو يامن . . معلمنا حتى لو ما كسبنا الجائزة فعزوتمك محفوظة أيمت ما طليت لعنا
مارس 31st, 2010 on 3:31 ص
تم التصويت و ان شالله موفق عبود