شهر البلع والتسلية!
بواسطة 3bdulsalam في أغسطس.22, 2009, تحت تصنيف قدحة كبريت
ذهبت البارحة إلى السوبر ماركت لأشتري بعض الأغراض، وصلت وظننت لوهلة انني تحت جسر الرئيس ساعة الإنصراف، أو بمدينة الملاهي ليلة العيد، لفرط الزحام!
زحام نفض الغبار عن أغنية زحمة يا دنيا زحمة وجعلها تصدح في رأسي . . المنظر جعلني أعتقد أنني أشاهد برنامج من برامج الواقع التي تعرض على الـ MBC او LBC واسمه المشتري الأكبر، أو برنامج مسابقات من يفضي السوبرماركت أولا.
غير معقول!!
سباق ماراثوني محموم على الشراء وكأن الدنيا على شفير حرب نووية، أو على شفى عاصفة ثلجية مدمرة ستضرب البلاد وتستمر لحول كامل.
شراء لكل الأصناف، المألوف منها وغير المألوف، ليس هذا فحسب بل يشترون المياه الغازية بكميات توحي وكأن كل واحد منهم لديه بقالة أو عربة لبيع الببسي.
استفقت من خيالاتي هذه، وسألت هو فيه ايه؟؟
رد علي أحدهم كل عام وانت بخير، رمضان كريم.
كتبت قبل رمضان 2006 (16/9/2006) وهي صالحة جدا لرمضان الحالي، الله محيي الثابت!
أغسطس 22nd, 2009 on 1:29 م
معناها … كل عام وإنت بخير ورمضان كريم
أغسطس 22nd, 2009 on 2:05 م
وإنت بخير محمد، الله ينولنا الأجر والمغفرة بهالشهر الفضيل . . معلم المنظر ما في مبالغة بنوب!
أغسطس 22nd, 2009 on 1:36 م
هههههههه
يمكن بدو يصير مثل فيلم The day after tomorrow لما تضرب عاصفة جليدية الأرض … كل عام وأنتم بخير (H)
أغسطس 22nd, 2009 on 2:10 م
الشي اللي أنا بستغربه انه نحن خارج رمضان ناكل تلت وجبات باليوم بينما في رمضان وجبة أساسية والسحور، نظريا استهلاكنا للأكل لازم يكون أقل برمضان، طيب مو أقل ع القليلة ما بتفرق الأمور بهالشكل الصارخ والصادم!!
طيب حتى لو كانت رح تفرق هيك، ليش العالم تتسابق وتتمون كما لو إنه اليوم في بكرة مفيش، ما المواد موجودة بشكل دائم بالجمعيات الإستهلاكية والسوبرماركتات !!
وكله ماشي على مبدأ الصايم يشتهي
تحياتي بشر وكل عام وانت بخير
أغسطس 22nd, 2009 on 4:22 م
ما هو صاير شهر رمضان شهر المسلسلات و البرامج والتفنن بصناعة الأكل و …عجبك عهالحالة يا رجل!
أطيب التحيات.
أغسطس 23rd, 2009 on 9:14 م
حالة بتبكي يا معلم . . الحمدلله انا مقاطع المسلسلات من سنوات طويلة والتلفزيون حاليا ما بشوفو غير بالإيام ولدقائق معدودة.
خود هالصورة ع السيرة:
معي انت انه وسخوها كتير بمسلسلات المراجل، مو ؟
تحية وأهلا بك سلام.
إفطارا هنيئا.
أغسطس 22nd, 2009 on 7:44 م
بداية ً ينعاد عالجميع .. أمـّا بعد ،
فللأسـف الحال كل ماله لورا يعني كل رمضان بيجي عم لاحظ انو عم نرجع لورا .. من جميع النواحي ..
بتذكر وقت كنت صغيره كان في مسلسل واحد يطلع بعد الافطار و كان الجميع يتجمـّع ليتفرج عليه .. هلأ كل مين عنده مسلسل خاص فيه .. و كل شخص عنده الأكلة الخاصة فيه ..
و متل ما بسمع يعن يانو الروحة عصلاة التراويح للنسوان متل الزيارة لا مقطوعه و لا ممنوعة .. و النم شغال من داخل الجامع ..
بعتقد شوي شوي عم نفقد الروح الرمضانية و عم يصير رمضان جزء من كتير اشيا عم نبرمجها بحياتنا بطريقة لا شعورية ..
على كلـّن ينعاد عالجميع و صيام مقبول
أغسطس 23rd, 2009 on 10:47 م
ينعاد عليكي بالخير شوش . . شايفلك التنوع العددي الرهيب اللي عم يصر سمة العصر بكل شي، مع انه هالتنوع مو بالضرورة يكون تنوع نوعي إلا إنه عم يعمل تشتيت كبير وعم اضيع معه كتير شغلات حلوة كنا نحس فيها إيام زمان.
متل ما قلتي كان مسلسل واحد الكل بيتفرج عليه ومبسوط فيه، ما فيه هالفنتازيا والمراجل الخلبية اللي عم تصير سمة رمضان بالمسلسلات.
روحانية رمضان عم اضيع شوي شوي بهالعجقة.
كل التحية مجددا.
أغسطس 22nd, 2009 on 8:25 م
بس مع هيك بتعرف عبد السلام بضل في جو ونكهة خاصة للشهر
بكل طقوسو الغريبة
كل عام وانت بخير
أغسطس 23rd, 2009 on 10:50 م
شو ما كان يبقى رمضان شهر مميز واله أجواءه ما في شك فادي.
كل التحية وينعاد عليك بالصحة والعافية
أغسطس 23rd, 2009 on 8:20 ص
عبد السلام ,
عدت و معي كاركتير من وحي تدوينتك ..
هاهاهاها !!
أغسطس 23rd, 2009 on 10:53 م
رهية الصورة والموقع ككل . . شكرا شوش دليتيني على موقع مرتب كتير
أغسطس 24th, 2009 on 10:33 ص
كل سنة والجميع بخير بكل الأحوال لم يحضر العيد بعد فحينها ستتعرف على الزحام بكامل أوجهة تحياتي
أغسطس 24th, 2009 on 5:53 م
وانت بخير حسام . . بالعيد رح يصير رمي الجمرات
أغسطس 24th, 2009 on 12:57 م
سوبر ماركت، عربات تسوق أو تروللي، بيبسي بالجملة، مقاضي رمضان. مصطلحات جديدة علينا مقارنة مع الخليج. هي ثقافة الاستهلاك التي تتسلل بسرعة لتسيطر على عقولنا.
أرى علاقة بين هذه التدوينة والتدوينة السابقة، فصناعة المستهلك هي من أهم أجندات وسائل الإعلام.
أغسطس 24th, 2009 on 5:57 م
تماما أحمد . . ونجحوا فعلا بذلك، لقد تحولنا إلى مجتمع استهلاكي ولولا الدخل المنخفض لعموم الشعب كان من زمان سبقنا المجتمعات الخليجية بالإستهلاك.
طبعا الوباء واحد ع الجميع . . تحية وأسعدني تعليقك.
أغسطس 24th, 2009 on 2:37 م
أي و الله…
رمضان كريم رفيق !
أغسطس 24th, 2009 on 5:58 م
أهلا بالرفيق . . عودا حميدا ورمضانا كريما
كيف حال أهلنا على ضفاف الفرات
نورت معلم.
سبتمبر 22nd, 2009 on 1:04 ص
اللهم لا تجعل الدنيا أكبر همنا ولا مبلغ علمنا .. أنا أيضا اعتقدت أن هناك غزو من الفضاء عند رؤيتي لكم العربات التي يحاسب عليها المتسوقين.